முஹம்-மூன்று

 முஹம்-மூன்று

கண்ணாடியில பார்த்தா கடவுள் காட்சி தருவாரா?, தருவார் என்கிறது சாட்சியங்கள்.இங்க பலபேரு கண்ணாடி முன்னால் நின்னுகிட்டு குத்துவிளக்கு ஏற்றி வெச்சுகிட்டு கடவுளை காண காத்திருப்பதுவும் காண்கிறோம்.ஏராளம் ஆலயங்களில் கூட கண்ணாடியே பிரதிட்டை செய்யபட்டிருப்பதையும் காணலாம்.இவையெல்லாம் எதை குறிப்பிடுகின்றதுவாம்?வள்ளலார் கூட கண்ணாடியில் முருகபெருமானை தரிசித்ததாக சொல்லபடுகின்றதல்லவா?.

தியானம் செய்யவேண்டுமெனில் அருவமாக செய்யகூடாது, உருவமாகவே செய்யவேண்டும் என்பது வள்ளலார் வரையறை.கூடவே அவர்,”பார்க்கும் தான் கெடுவது அத்வைதம் பார்க்கபடும் பொருளும் கெடுவது அதீதம்” என்கின்றார்.இங்கே இந்த பார்க்கபடும் பொருள் என்பது உலக பொருட்களா,உலக காட்சிகளா? அல்லது எதாவது உருவமா? எனில் வள்ளலார் உருவ வழிபாட்டையே முன்னிறுத்துகின்றார் என சொல்லிவிடலாம் அல்லவா?.உருவம் கரைந்து அருவமாகும் என தொடர்ந்து அவர் சொல்லிவதில் இருந்து முதலில் உருவ வழிபாடு செய்யலாம் என சொல்லிவிடலாம் அல்லவா?.உண்மை என்ன?.
இங்கே பலபேர் வள்ளலார் சொல்லும் பார்க்கபடும் பொருள் என்பது கண்ணாடியின் முன் நின்று பார்க்கும் போது தெரியும் நமது கண்மணியையே என்கின்றனர்.இந்த கூமுட்டைகள் என்று தான் முகத்தை பார்க்க கற்றுகொள்ள போகின்றனரோ தெரியவில்லை.அகத்தின் அழகை என்று தான் முகத்தில் காண போகின்றனரோ என்னமோ?.

’முகத்துக் கண்ணை முறுக்கி திருத்தியே அகத்துக் கண்ணை அறுத்து பிளந்து பின் வகுத்த ஜோதி மணிவிளக்கென்னுளே தொகுத்து பார்க்க சுகம் பெற்றாய் நெஞ்சமே”=பீர் முஹம் அது.