ஒத்த பொருள் யாது? -

 

சத்விசாரங்கள்

தன்னை உணர தனக்கொரு கேடில்லை!

 Home ▼

Saturday, August 30, 2014

ஒத்த பொருள் யாது? - Ajiesh

அன்பார்ந்த சன்மார்க்க சாதகர்களே, ஆன்மீக மார்க்கத்தில் பிரயாணம் பண்ணும் சாதகர்கள் முக்கியமாக அற்ந்து கொள்ளவேண்டியது “ஒத்த பொருள்’ என குறிப்பிட்டுள்ள மறை ரகசியத்தையே. அதென்னது ஒத்த பொருள் என கேள்வி எழும்புவது சஹஜமே,ஏனெனில் ஒவ்வொருவரும் ஒருவாறு விளக்கம் சொல்லுவார்கள், ஆனால் ஒத்தது அறிந்தவர் ஒருசிலரே.அதனாலேயே ‘ஒத்தது அறிந்தார் உயிர் வாழ்வர் மற்றெல்லாம் செத்தாருள் வைக்கப்பெடும்” என்றனர் ஞானிகள்.

உயிர் என்பது உலகில் இருக்கும் ஒரு பொருள், அதை அறிவது மாபெரும் பாக்கியமே ஆகும் என்பதில் சந்தேகம் இல்லை. ஆனால் அந்த உயிர் உலகத்தில் வரவேண்டுமெனில் ”இரு” பொருள்கள் ஒன்று சேரவேண்டும். ஆகையினால் “உயிரானது உலகில் வாழ” இரு பொருள்கள் சேர்ந்தால் அல்லாது ”வாழாது”. அதனால் “வாழ்வு” என்பது “இரு பொருள்களின்” சேர்க்கை என்பதில் ஐயமில்லை அன்றோ?.

அந்த “இரு பொருள்கள்’ யாதெனில்” தாயும் தந்தையுமே” ஆகும். அதாவது தாயையும் தந்தையையும் அறிந்தவன் உயிர் வாழ்வான், ஏனையவர்கள் செத்தவர்களிடம் சேர்க்கப்படுவார் என்பதில் ஐயம் வேண்டாம், அப்படித்தானே?.ஆகையினால் “தாயையும் தந்தையையும் “ அறிவோமாக.

நம்முடைய உடலில் உயிர் இருக்கிறது என்பது நமக்கு தெரிகிறது, ஆனால் அது எங்கிருக்கிறது என தெரியாது, அப்படித்தானே?. ஆகையினால் உயிர் எங்கிருக்கிறது என்பதை அறிய எளிய மார்க்கமானது அது எங்கிருந்து வந்தது என்பதை அறிதலேயாம்.அல்லவா?.அதாவது நமது தாயும் தந்தையும் நமக்கு இரண்டு பொருள்களை தந்துள்ளனர்,ஒன்று விந்து , மற்றொன்று நாதம். இவை இரண்டுமே அவர்கள் நமக்காக தந்த மேலாம் பொருள்கள்,அல்லவா?.அப்படியாயின் உயிரானது இவ்விரண்டையும் சார்ந்து தானே இருக்கவேண்டும்?..

ஆம், அதுவே உண்மை, உயிரானது நமது தந்தையானவர் நமக்கு தந்த” விந்து” எனும் நிலையத்தில் இருக்கிறது., அது கோடி சூரியபிரகாசத்துடன் இருக்கிறது என்கின்றனர் ஞானிகள். இங்கு ஒரு விஷயம் நாம் கருத்தில் கொள்ளவேண்டியது என்னவென்றால், மேற்சொன்ன “விந்துவும் நாதவும்” ஆண்பெண் இருபாலருக்கும் பொதுவாகவே உள்ளது என்பதாகும்.அதாவது “விந்துவும் நாதவும்” கருப்பையில் சேர்ந்து ஏழு நாட்கள் அவை ஆனாகவோ பெண்னாகவோ அறிவு பிரியாமல் ”இரண்டுமற்ற” தன்மையில் இருக்கும், பிறகு ஆணாகவோ பெண்ணாகவோ அலியாகவோ பிறவி எடுக்கும்.

ஆண் தன்மை மிகுந்தது ஆனாகவும் பென் தன்மை மிகுந்தது பெண்ணாகவும் இருக்கும். அப்போதும் ஆணிடத்தில் கொஞ்சம் பெண் தன்மையும் , பெண்ணிடத்தில் கொஞ்சம் ஆண் தன்மையும் இருக்கவே இருக்கும்.

இப்படியான “விந்துவும் நாதவுமே’ “ஒத்த பொருட்கள்”., இவை இல்லையெனில் உயிர் நிலை என்பது உலகத்தில் வராது. எந்த ஒரு உயிரும் உலகத்தில் வந்து முதிர்ச்சி அடைந்தாலும், அந்த உயிரின் அடிப்படை கூறான “ விந்துவும் நாதவும்” அவ்வுடம்பில் சிரசினில் இருக்கும்.அதில் உயிர் நிலையானது ஆணாகில் விந்துவுடனும், பெண்ணாகில் நாதமுடனும் இசைந்து இருக்கும்..

ஆனால் ,அவ்வுடம்பில் குடி இருக்கும் ஆன்மாவானது உயிரையோ ,விந்துவையோ நாதத்தையோ அறியாது “நான்’ எனும் அகந்தையினால் அறிவழிந்து கெட்டு மரணத்தை அடைகின்றது. ஆகையினால் அப்படி போகாது உயி நிலையை கண்டடைந்து கொள்ளவேண்டின் நாம் “ஒத்த பொருள்களை” கண்டடையவேண்டும். அந்த இரண்டு பொருட்களையும் “அகர உயிர் எனவும் உகர உயிர் எனவும் “ கொளளுவர் ஞானிகள். இவை இரண்டும் “தாய் தந்தை” அணுக்களேயாம், அல்லது “நாத விந்துக்கள்”, அடுத்து இவ்விரண்டின் சேர்க்கையினால் பிறக்கும் உயிரே “ம்” எனும் ஜீவ ஆன்மா.

ஆனால், ஜீவான்மாவானது அகர உகர பொருட்களை அரியாது ,தன்னுடைய உயிர் நிலையை அடையாது மரணத்தை அடைவது பரிதாபகரமானது.ஆகையினால் இவ்விரண்டு “ஒத்தபொருட்களை” அறிந்து உயிர் காப்போம், குழூஉக்குறியாக இவற்றை “பிச்சி மொட்டாகவும்” , எலுமிச்சை பழமாகவும் உருக்கொள்வார்கள். ஏனெனில், பிச்சி மொட்டானது விந்தணுவின் பரியாயமாகவும், எலுமிச்சை பழமானது சுரோனிதத்தின் பரியாயமாகவும் சொல்லுவர் ஞானிகள். இவற்ரையே “குரு தட்சிணையாக” கொள்ளுவது “குரு மரபு”.விந்து நிலை தனை அறிந்து விந்தை காண விதமான நாதமது குருவாய் போகும் ,விதமான நாதமது குருவாய் ஆனால் ஆதிஅந்தமான குரு நீயேயாவாய், சந்தேகமே இல்லையடா புலத்தியனே ஐயா சகலகலை ஞானமெல்லாம் இதுக்கொவ்வாது, முந்தாநாள் இருவருமே கூடிச்சேர்ந்த மூலமதை அறியாட்டால் மூலம் பாரே,.....என அகத்தியர் சொன்னதுவே உயர்ஞானம்...வாழ்க குரு “திருவடி, வாழ்க சிவபாதம்”

Ram Prakash Tamilmuni அவர் சாயலிலேயே நம்மையும் படைத்தான் அம்மையப்பன்...

விஜயகுமார் சு அன்னையும் பிதாவுமாய் முன் தோன்றும் அகரதெய்வம்.பின் தோன்றும் அன்னைபிதா பிறந்திற(ரு)க்கும் பேதையராம

Salai Panchatcharam ஒத்த நிலம் ஒத்த பொருள் ஒரு பொருளாம் பெரும் பயனை அத்தன் எனக் கருளியவார் யார்பெருவார் அச்சோவே....

Salai Panchatcharam ஒத்த பொருள் என்று தலைப்பிட்டு எல்லாம் 2, ரெண்டாக சொல்ரீங்க நாயர்..... இதன் விபரத்தை பிரம்மப் பிரகாச மெய்வழி ஆண்டவர்கள் வான்மதிக்கொரல் என்ற நூலில் பிண்ட உற்பத்தி என்ற தலைப்பில் தெளிவாக விளக்கியுள்ளார்கள். உண்மையில் தகப்பன் ஒரு பகுதியாகவும் தாய் ஒரு பகுதியாகவும் இருந்தாலும் நம் கருவில் இளம் கருவில் வளர்த்த 10 வயதான கன்னிதான் நம்மை காத்து வளர்த்து வந்தவள். பஞ்சபூதக் கலப்பாக நம் உடல் இருந்தாலும் நம்மை வழினடத்தும் அந்த சிவமயப் பொருள்தான் ஒத்த பொருள்.... அது ஒன்றுதான் அனைத்திற்கும் ஒத்ததாக நின்று விளங்குகின்றது.அது நம்மை இயக்கவில்லை என்றால் மற்ற அனைத்தும் இருந்தாலும் ஒரு பயனும் இல்லை. சுவை ஒளி ஊறு ஓசை நாற்றம் இவை ஐந்தின் வகைதெரிவான் கட்டே உலகு..... அது வாசனை, கேள்வி, இருகண், வாய் எவைக்கும் வல்லமை அளிக்கும் அக்கண்....

Hseija Ed Rian ”உண்மையில் தகப்பன் ஒரு பகுதியாகவு ம் தாய் ஒரு பகுதியாக இருந்தாலும்” என்று ஏற்றுகொள்ளுதலில் இரண்டு பேர் இருக்கிறார்கள். இளம் கருவில் மட்டுமே சொல்லப்பட்ட 10 வயதான கன்னியின் தேவை வருகிறது, இந்த உடலை வளர்ப்பதற்க்கு., அது சரியே, அவளே மகர வாலை. அவளெ ஒத்தவள். யாருக்கு என்றால் சிவத்துக்கு . வள்ளலார் சொல்லுவதை போன்று “கருணையும் சிவமே பொருளென கொள்ளும் காட்ச்சியும் பெறுக” . இங்கு கருணையாக மனிதறுக்குள் இருப்பதே அந்த வாலை. அவளே சிவமென கொள்ளுதல் வேண்டும். ஆதலால் சிவத்துக்கு “ஒத்ததே” ..அதாவது சிவ பொருளே. அந்த வாலையோ ஆண் பாதி பெண்பாதியாகவே உள்ளாள். “...முன்னாலே பாத்தால் பெண்போலே ரூபம் பின்னாலே பாத்தால் புருஷ ரூபம்... அய்யய்யோ அவளாடும் ஆட்டமதை கானப்போகா...” என்பர் சித்தர் பெருமக்கள்.

Salai Panchatcharam சக்தி சிவம் இரண்டாகித் தான்முடிவில் ஒன்றாகிச் சித்தாகி நின்ற திறனறியேன் பூரணமே என்று பட்டினத்துப் பிள்ளையும் சொல்லியுள்ளார்கள்.

Salai Panchatcharam உருத்தரிப்பதற்கு முன் உயிர்ப்புகுந்த நாதமும்

கருத்தரிப்பதற்குமுன் காயமென்னும் சோனிதம்

அருள் தரிப்பதற்குமுன் அறிவு மூலாதாரமாம்

குருத்தறிந்து கொள்ளுவீர் குணங் கெடுக்கும் குருக்களே

சிவ வாக்கியர்

விஜயகுமார் சு அர்த்த நாரீஸ்வர்ர் தோற்றத்திற்கும்,சிவன் மற்றும் சக்தி தனித்தனி சன்நிதிகளில் தோற்றமளிக்கும் ஞானரகசியம் புரிந்தவர்கள் இதன் உண்மையை ஒருவாறு உணர்வார்களோ?

Salai Panchatcharam தெளிவுதனில் தெளிவுதரும் அருளும் காணும் ..சஷனத்திலே சிவமயம் சேரத்தோணும் வழியதனில் நல்ல வழி ஞானம் கூடும் மகத்தான வேதாந்தம் சித்தி காட்டும், ஒளிவுதனி லொளிவுதரு முறுதி சொல்வார் உர்ப்பனத்தி லுற்ப்பனமாய் உறுதி தோணும் வெளியதனில் வெளியாகி நாதத்துள்ளே விளங்கி நின்ற வாலைப்பெண் ஆதி காப்பே..கருவூரார்

Salai Panchatcharam ஆணும் பெண்ணும் தோணுமங்கே ஆண்பெண்ணற்ற நிலையும் ...அதைத்தும் தரிசனமாமெங்கள் இனத்தின் பஞ்சாட்சரமே

Hseija Ed Rian அபாரம்....செத்தவனுங்க மூக்கிலே பஞ்சி வைப்பானுங்க...உயிரோடு இருக்கிறவன் காதிலே பஞ்சி வைப்பான்....தூச்சமடா சூட்சாதி தூட்சம்.....அரஹரஹரோஹரஹர....

Salai Panchatcharam பிண்ட உற்பத்தி

Salai Panchatcharam சுத்த உடம்பாகும் அது உன் சூக்மமாகும், சொந்த உந்தன் மனையாகும் மனைவியாகும் ,பத்துவயதான கன்னி சபையுமாகும், பாசவுடல் பிறந்துவளர் தலமுமாகும்,முத்தரெல்லாம் அமுதருந்துங் கொங்கையாகும், மோட்சசாம்ராஜ்யமென்ற நாடும் ஆகும்,பித்தவுடல் நடுவாகும் கோடா கோடி, பெருங்கவலை தணிக்குமுந்தன் இல்லாமாமே...மெய்வழி ஆண்டவர்கள்