ஜீவ வெளிச்சம்

 ===== ஜீவ வெளிச்சம் =====

பிண்டம் என்பது பிரபஞ்ச பிரமாண்டத்தின் ஒரு சிறு அளவு அவ்வளவுதான்... 

இந்த சிறு பிண்டத்திற்க்குள் எங்ஙனம் ஜீவன் இருக்கிறதோ அதுபோல பிரபஞ்ச பகிரண்டத்தினுள்ளும் மஹாஜீவன் குடியிருக்கிறது... 

அதை அறியவேண்டுமெனில் இந்த பிண்ட சரீர ஜீவனை முதலில் கவனிக்கவேண்டும்... அது பகிரண்ட ஜீவனுக்கு கொண்டு செல்லும். 

அந்த மகாஜீவனைத்தான் அகம், புறம், அகப்புறம், புறப்புறம் எங்கும் நீக்கமற நிறைந்திருக்கும் ஜோதியுள்-ஜோதியுள்-ஜோதி என வள்ளலார் குறிப்பிடுகின்றார். 

அறிவு விளக்கம் வராது அன்பர்களுக்கு  ஒரு விளக்கை காட்டி அதை கண்டு அவ்வண்ணம் உபாசிக்க சொல்லியுள்ளார். 

தன்னுடைய வெளிச்சமாக தன்னுடம்பு முழுதும் வியாபித்திருக்கின்ற ஜீவனையே அறிந்து வணங்க தெரியாதவர்கள் எங்கே அண்ட பகிரண்ட ஜீவனை உள்வாங்கி புரிந்து அறிந்து உபாசிக்க போகின்றார்கள்... 

இருந்தாலும் அவர்களுக்கும் சிறு வெளிச்சம் வரத்தான் செய்யும்.