வாசி யோகம் பண்ணுவது எப்படி

வாசி யோகம் பண்ணுவது எப்படி? ஆயிரெத்தெட்டு இதழ் மீது அமர்ந்த சித்தனாதன் ஆயிரெத்தெட்டு யோக நடைமுறைகளை சொல்லி போயிருக்கான்.அதுல ஒண்ணு தான் வாசி யோகம். நம்ம சித்தர்கள் அதை கடைபுடிச்சு ஞானம் அடைஞ்சிருக்காங்க,சித்தி அடைஞ்சிருக்காங்க. ஆனால் அதன் வழிமுறை மங்கி போனதினால் மக்களுக்கு சரியாக பயன் அடைய முடியாம போயிடிச்சு.அதை கொஞ்சம் கவனிப்போம், சித்தனாதன் அருள் செய்வாராக. அருமையா உட்கார்ந்துக்குங்க, எப்படி வேணாலும் பரவாயில்ல,ஆனா சவுகரியமா அதிக நேரம் உட்கார இருக்கிறது நலம்,அப்படியாக அமருங்க. ஒண்ணும் பண்ண வேணாம்,சும்மா,..சுகமா...அப்படியே நீளமாக....மிக ஆழமாக மெல்ல சுவாசத்தை ஒன்பது தடவை உள்ள வாங்கி வெளிய விடுங்க... சும்மா கொஞ்சம் வேகமா கொல்லர்கள் தங்களுடைய ஆலையில் உலை ஊத பயன்படுத்தும் துருத்தியை கொண்டு ஊதுவது போல வயற்றை துருத்தியாக கொண்டு, கண்டம் எனும் உலை வட்டம் வழியாக அண்ணாகெனும் உலைக்குள் இருக்கும் அக்கினி பிரகாசிக்க வேகமாக பதினெட்டு முறை ஊதுங்கள்...ஸ்டாப்...ஸ்டாப்..ஸ்டாப்... மறுபடியும் ..சும்மா,..சுகமா...அப்படியே நீளமாக....மிக ஆழமாக மெல்ல சுவாசத்தை ஒன்பது தடவை உள்ள வாங்கி வெளிய விடுங்க... சுகமாக நீண்டு நிமிர்ந்து அப்படியே கழுத்தை கொஞ்சம் மேலாக்க தூக்கி ராஜ நிலையில் முகத்தை உயர்த்தி சிறு புன்சிரிப்புடன் கவனியுங்கள். மூடி அமர்ந்திருக்கிற கண்களுக்கு முன்னால் இருள் தோன்றுகிறது..இமைகளின் ஊடாக......கண்களை திறக்க வேண்டாம்..அந்த இருளை கவனியுங்கள்..அது அனாதி கால இருள்...நீங்கள் கருப்பையில் இருந்த போது கண்டுகொண்டிருந்த இருள் தான். உலகத்தில் பிறந்து கண்களை திறந்த பின்னர் உலகத்தின் சூரிய சந்திர ஒளிகற்றைகள் கண்விழி ஊடாக உட்சென்ற பிற்பாடு, இந்த இருளை நீங்கள் கவனிக்க தவறி விட்டீர்கள்.”அன்றுமின்று மென்றும் அழியா பொருளேதடீ சிங்கா-அது இரு கண்ணையும் மூட இருள் அழியா பொருளனதடி சிங்கீ” என பீர் முஹம்மது ஒலியுல்லாஹ் ஞானியர் அப்பா பாடல் நினைவுக்கு வந்து விட்டது...சரி போகட்டும்..விஷயத்துக்கு வருவோம்... இடது கண்ணிலும் இருள் இருக்கிறது, அப்படியே வலது கண்ணிலும் இருள் இருக்கிறது நமுக்கு முன்னால்...இது தான் ”இருள் வெளியாக” நின்ற பொருள்.இதை “அருள் வெளியாக” மாற்றுவதே வாசி யோகம். இடது கண்ணீல் கவனம் கொடுக்க, கொஞ்சமாக பார்த்து வர...இடது கண்ணில் மனம் குவியும்..அழுத்தம் உண்டாகும்....அது போல வலது கண்ணில் மனம் குவிய அங்கும் அழுத்தம் உண்டாகும்.மனம் எங்கு குவிகிறதோ அங்கு பிராணனும் வந்து குவிந்து விடுவதால் தான் அந்த அழுத்தம் . இடது கண்ணில் மனமும் பிராணனும் குவிந்து ஒரு முக பட துவங்கும் போது, தன்னை அறியாமலேயே தனது நாசியில் சுவாசம் இடது பக்கமாக ஓரம் பற்றி இயங்க துவங்கும்.அது போல வலது கண்ணில் மனமும் பிரானனும் குவிய வலது நாசியிலும் சுவாசம் தானாக மாறி இயங்கும்.இதற்க்கு தனியாக விரல் கொண்டு நாசியை மூடி திறக்க வேண்டியதில்லை. தானாக மாறி மாறி இயங்கும்..... =====வாசி யோகம் முழுக்க ஒரு பதிவாக சொன்னா கதை கசக்கும்..லியா..??==== அடுத்த ஒரு பதிவுல கொஞ்சம் அட்வான்ஸான வாசி யோகம் பார்க்கலாம்...வருங்கால ஞானிகளே.

ஜெயவாசி தெரியுமா?

ஜெயவாசி தெரியுமா? மார்க்கம்போல் நேர்வழியே குறுக்கு மார்க்கம் வாய்வழியே தான்வந்து வாசியேறும் தீர்க்கம் போற் செப்பிவிடும் வாசிவாசி செயவாசி கூறிவிடும் வாசிபாசை காப்பதுபோற் சொல்லிவைக்குந் தனக்குமுன்னால் கண்டுகொள்ளும் பின்னாலே துடர்ந்துசெல்லும் சேர்ப்பதுபோற் சொல்லிவைக்கும் பொருந்திடாதே தீண்டாதே நீயிருந்து ஒடுங்கிநில்லே. (காகபுசுண்டர்-பெ.நூ.கா 1000 : 62). எல்லா மார்க்கத்துலயும் ஷார்ட் கட் என ஒண்ணு இருக்கும், அது போல நம்ம சித்தர்களின் ஷார்ட் கட் தான் இந்த ஜெயவாசி சம்பிரதாயம்.ஷார்ட் கட் என்பதை தான் குறுக்கு மார்க்கம் என்கிறார் காகபுசுண்டர்.சாதாரணமான சித்தர் வாசி நேர் மார்க்கம் எnனவும் சொல்றார். சாதாரணமாக நாடி சாத்திரம் வாசி யோகம் பண்றவங்களுக்கு தெரியும் வாசி கண்டத்துல ‘மாறி போட்டு” கலை பிரியும்ண்ணு. அதாவது சந்திர சூரிய கலையாக பிரிந்து வெளிப்படுவது கண்டம் முதல்.நாடி துவக்கம் முதல் கண்டம் வரை ஏகமாக கயிறு மாதிரி பிணைந்து செல்லுமாம்.இதை குரு நாடிண்ணு சொல்லுவார் புசுண்டர் பிரன். ”இச்சியாம் இடுப்பிடையில் கோசபீசம் குச்சியாம் கோசபீச தண்டை தொட்டு குரு நாடி நாக்கு வரை கயிறே போல நச்சியே போய் பாரு நாக்கண்ணாக்கு நடு மண்டை உச்சிவரை கபால நாடி” என்பது அவர் பாடல். ..ஹி..ஹி..ஹி இதன் தொடர்ச்சி அப்புறம் பார்க்கலாம், ஏண்ணா வாசி கூட இது வரை சொல்லல. அதுக்கு முன்ன ஜெயவாசி சொன்னா குழப்பம் ஆயிரும்லியா...அதான்.கொஞ்சம் பொறுத்துக்குங்களேன்..வரும்....வரும்..வராமலா போயிரும்? Shivaya Nama SivaKumar குருவடி வாகிக் குவலயம் தன்னில் திருவடி வைத்துத் திறம்இது பொருள் என வாடா வகைதான் மகிழ்ந்தெனக் கருளிக் கோடா யுதத்தால் கொடுவினை களைந்தே உவட்டா உபதேசம் புகட்டிஎன் செவியில் தெவிட்டாத ஞானத் தெளிவையும் காட்டி ஐம்புலன் தன்னை அடக்கும் உபாயம் இன்புறு கருணையின் இனிதெனக்கு அருளி. கருணையோ கருணை நீயே கல்வி இறைவா Hseija Ed Rian சிரத்திலுள்ளது பரமாத்மா என்னும் சாமானிய ஜீவன்; இது இறக்காது. கண்டத்திலுள்ளது ஜீவாத்மா என்னும் விசேஷஜீவன்; இது இறந்துவிடும். இது வள்ளலார் உபதேசம். இதுல சாமானியம் என்பது விசேஷம் என்பனவற்றில் மேலான்a பதம் எதற்க்கு? சிரசில் இருக்கும் இறந்து போகா த்ன்மையா அல்லது விசேஷமான கண்டத்தில் இருக்கும் இறந்து போகும் த்ன்மைக்கா Hseija Ed Rian 29:48. அன்றியும் (நபியே!) இதற்கு முன்னர் நீர் எந்த வேதத்திலிருந்தும் ஓதி வந்தவரல்லர்; உம் வலக்கையால் “அதை” எழுதுபவராகவும் இருக்கவில்லை; அவ்வாறு இருந்திருந்தால் இப்பொய்யர்கள் சந்தேகப்படலாம்.எந்த மொழி வழி அறிவிப்புகளாகிய நூல்களையும் ஆதாரமாக எடுத்துக்காட்டாமல் நன்நம்பிக்கையாளர்கள் என்னும் மூமின்களுக்கு ‘வரிவடிவம்’ என்கிற எழுத்துமில்லாமல், ‘ஒலிவடிவம்’ என்கிற சொல்லுமில்லாமல், மொழிகளுக்கெல்லாம் அப்பாற்பட்டு மொழியை அறிந்தவர்களுக்கும் அறியாதவர்களுக்குமாக, யாவருக்குமே இருட்டிலும், வெளிச்சத்திலும், மௌன குருவாயிருந்து நிகழ்வுகளாலேயே கல்வி எனும் ஞானத்தை கற்றுக் கொடுப்பதே “உம்மி நபி” ஆகும்.وَالْأَرْضِ ۖ لَا إِلَٰهَ إِلَّا هُوَ يُحْيِي وَيُمِيتُ ۖ فَآمِنُوا بِاللَّهِ وَرَسُولِهِ النَّبِيِّ الْأُمِّيِّ الَّذِي يُؤْمِنُ بِاللَّهِ وَكَلِمَاتِهِ وَاتَّبِعُوهُ لَعَلَّكُمْ تَهْتَدُونَ (நபியே!) நீர் கூறுவீராக: “மனிதர்களே! மெய்யாக நான் உங்கள் அனைவருக்கும் அல்லாஹ்வின் தூதராக இருக்கிறேன்; வானங்கள், பூமி ஆகியவற்றின் ஆட்சி அவனுக்கே உரியது, அவனைத்தவிர (வணக்கத்திற்குரிய) நாயன் வேறுயாருமில்லை - அவனே உயிர்ப்பிக்கின்றான்; அவனே மரணம் அடையும்படியும் செய்கின்றான் - ஆகவே, அல்லாஹ்வின் மீதும், எழுதப்படிக்கத்தெரியா நபியாகிய அவன் தூதரின் மீதும் ஈமான் கொள்ளுங்கள், அவரும் அல்லாஹ்வின் மீதும் அவன் வசனங்களின் மீதும் ஈமான் கொள்கிறார் - அவரையே பின்பற்றுங்கள்; நீங்கள் நேர்வழி பெறுவீர்கள்

செத்து போகிறதை நாடணுமா சாகாமல் இருக்கிறதை நாடணுமா

செத்து போகிறதை நாடணுமா சாகாமல் இருக்கிறதை நாடணுமா? வள்ளலார் சொல்லுவதில் இருந்து,"சிரத்திலுள்ளது பரமாத்மா என்னும் சாமானிய ஜீவன்; இது இறக்காது. கண்டத்திலுள்ளது ஜீவாத்மா என்னும் விசேஷஜீவன்; இது இறந்துவிடும்”. சாமானியமானதும் சிரசில் இருப்பதுமான சாகாத ஜீவன் மேலானதா அல்லது விசேஷமானதுவும் கண்டத்தில் இருப்பதுவுமான சாகும் தன்மை கொண்ட ஜீவன் மேலானதுவா?. சாமானியம் மேலானதா அல்லது விசேஷம் மேலானதா? ..எதை நாடி பிரயானம் பண்ணனுமாம்

சங்கநாதம்

இதை சித்தர்கள் சங்கநாதம் என கூறுகிறார்கள். இதைத் தாண்டி குரு உபதேசப்படி இவ்விரு சங்காலும் உள்ளிளுத்த சுவாசத்தை அடக்கி பின் சிலேத்துமநாடி எனப்படும் நடு நாடியாம் சூட்சம நாடி வழியாக ஏற்றுவதைத் தாரை ஊதல் என சித்தர்கள் கூறுகின்றனர். இதற்கு சித்தர் ரகசிய சூட்சம பஞ்சாட்சர மந்திரம் ,எந்திரம்,தந்திரம் மூன்றும் ஒருசேர செயல்பட வேண்டும். அவ்வாறு தாரை ஊத வல்லவர்கள் சிவசக்தி சகிதமாய் சிவமாகவே ஆவார். இதை அறியாமலையே கோடான கோடி மாந்தர்கள் செத்து செத்து பிறக்கின்றனர் என்கிறார் சிவவாக்கியர். நாமென்ற ஒன்று நம் எண்ணங்களே. அது மனதோடு சம்பந்தப் பட்டது. அது 96 தத்துவங்களில் 43தத்துவங்களை தன்னகத்தே கொண்டு பயணிக்கும். பிறகு நானென்ற மனமானது சுக்கல் சுக்கலாகி காணாமல் போய் தானாகி நிற்பான் சிவம். “ஊனுக்குள் நீ நின்று உலவினது பாராமல் நானென்று நலமிழந்தேன் பூரணமே ..” “யானாகிய என்னை விழுங்கி வெறும் தானாகி நின்றது தற்பரமே…” உயிரை உடலாகக் கொண்டு இவ்வாண்மாவைப் பக்குவ நெறி படுத்த பலகோடி அணுக்களான உடலை தந்து ஒவ்வொரு அணுவிலும் சிவமே நிறைந்து நாம் என்ற ஆணவம் தந்து மனம் எனும் நம்மை கருவியாகக் கொண்டு இவ்வாண்மாக்களை மேல் நெறிப் படுத்துகிறார். இதில் தெளியும் நானென்ற மனம் 43 த்துவங்களைக் கடக்கும் போது காணாமல் போய் அனைத்தும் சிவமாகவே ஆகிறது. சிவசிவ சிவமே சிவசிவ சிவ செம்பொன் … சங்கிரண்டு தாரையொன்று சன்னல் பின்னலாகையால் மங்கி மாழுதே உலகில் மானிடங்கள் எத்தனை சங்கிரெண்டையும் தவிர்ந்து தாரையூத வல்லீரேல் கொங்கை மங்கை பங்கரோடு கூடி வாழலாகுமே… நினைப்பதொன்று கண்டிலேன் நீயலாது வேறில்லை நினைப்புமாய் மறைப்புமாய் நின்ற மாயை மாயையே அனைத்துமாய் அண்டமாய் அனாதிமுன் அனாதியாய் எனக்குள் நீ உனக்குள் நான் இருக்குமாறு எங்கனே

வாசி வாசித்து பழகுவோம் வாங்க

Friday, October 5, 2018 வாசி வாசித்து பழகுவோம் வாங்க ”வாசி வாசி என்று வாசித்த பொருள் ஒன்று- சிவா சிவா என்று சிந்தித்த பொருளும் ஒன்று” என்பது சித்தர் வழக்கம். சாதாரணமாக பிராணாயாமம் செய்வதை தான் நம்ம மக்கள் வாசி யோகம்ண்ணு சொல்லி கேட்டிருப்பீங்க, ஆனா உண்மையில் வாசி யோகம் என்பது சிவா சிவா என சிந்தித்திருப்பதேயாம் என்பதை வெகுசிலரே அறிவர். வாசிப்பது என்பது ஒன்று சிந்திப்பது மற்றொன்று, ஆக இரு வித நிலைகள் ஒன்று சேர்ந்து வருவது தான் வாசி யோக நுணுக்கம். ஆனால் உண்மையில் இது பிராணாயாமமும் அல்ல ஜெபமும் அல்ல, ஆனால் இரண்டையும் ஒருங்கே தன்னகத்தே கொண்ட முறையாகும் என்பது அறிவார் அறிவர். ‘வாமத்தே ஈரெட்டு மாத்திரை பூரித்து ஏமுற்ற முப்பத்திரண்டும் ரேசித்து காமுற்ற பிங்கலை கண்ணாக இவ்விரண்டோமத்தால் எட்டெட்டும் கும்பிக்க உண்மையே” என திருமூலர் சொல்வதை கவனிக்க இதன் நுணுக்கம் புரியும். பூரித்து ரேசித்து கும்பித்து என சொல்வதை பார்த்தல் மக்கள் உடனேயே இது பிராணாயாம முறை தான் என நிர்ணயித்து விடுகின்றனர். ஆனால் “பிங்கலை கண்ணாக” எதோ சொல்லி வருகிறாரே மூலர், அது என்னவாம் என சிந்திப்பது இல்லை. அப்ப..டாட்டா பை பை...அடுத்த பதிவுல கொஞ்சம் அதிகமா பார்ப்போம்..சரியா?

ஆதி புள்ளியே துணை

ஆதி புள்ளியே துணை ஆதியில் புள்ளி இருந்தது,அந்த புள்ளி ஆதியோடு இருந்தது, அந்த புள்ளி ஆதியாகவும் இருந்தது, அந்த புள்ளியின் உள் ஜீவன் இருந்தது, அந்த ஜீவன் மனிதனுக்குள் ஒளியாக இருந்தது. அந்த ஒளி மனிதனுக்குள் பிரகாசிக்கின்றது, ஆனால் மனிதனோ அந்த புள்ளியை பற்றி கொள்ளாமல் இருக்கின்றான். அந்த புள்ளியே தனது தந்தையாகிய பிதாவினிடத்தில் இருந்து கன்னியாகிய தாயின் சூலில் தங்கிய குமாரனாகிய நீ

அஜபா காயத்திரி

====அஜபா காயத்திரி==== வாசி யோகத்தின் ஆசிரியர்களில் முதன்மையானவர் கோரக்கநாதர், இவர் மீன நாதரின் சீடர் என்போரும் உளர். அவரின் போதனையானது ஹம்ச யோஹம் பற்றியதாகும். ஒவ்வொரு முறையும் இப்பிரபஞ்சத்தின் ஜீவர்கள் உள் சுவாசிக்கும் போது “ஸ:” எனும் சத்த நலத்துடனும், சுவாசம் வெளிவிடும் போது “ஹ:” எனும் சத்த நலத்துடனும் சுவாசிக்க காண்கிறோம். இந்த சத்தமானது அனைத்து ஜீவர்களுக்கும் பொதுவானதுவாய் அமைந்திருக்கிறது. எந்த மதத்தை பின்பற்றுபவர்களுக்கும் பொதுவாகவும், எந்த நாட்டில் பிறந்தவர்களுக்கும் இயற்கையாகவும் அமைந்திருக்கும் சுவாச சத்தம் தான் இந்த “ஹ;-ஸ:”. இந்த சத்தத்தை ஒழுங்கு பட அமைக்கபட்ட சாதனை முறை தான் “ஹம்ஸ:” வித்தை. ’ஹம்’ என சொல்ல பொருளாவது “அஹம்” எனவும் “ஸ:” என சொல்ல “ப்ரம்மம்” எனவும் பொருள் கொள்ளபடுகின்றது.வெளிவிடபடும் சுவாசமான ’அஹம் ஜீவன் ’ இயற்கை உண்மை சிவத்துடன் கலந்து சுழன்று மீண்டும் ’பர பிரம்ம சிவம்’ ஆக உள் நுழைகின்றது. இதை கருத்தில் கொண்டு சதா காலம் சுவாசத்தை பற்றியே சித்தம் நிலை கொள்ள “ஸோஹம்” எனும் நிலையான “பரபிரம்மம் சிவம் அஹம் ஜீவன்” என சித்தம் நிலை ஆகிறது.இது அஜபா காயத்திரி என போற்றபடுகிறது. அங்கனம் 21600 முறை தினம் ஜெபிக்கபடுகின்றது . “தெள்ளதெளிந்தோர்க்கு ஜீவன் சிவலிங்கம்-திருமூலர்” ‘திரமென்ன ஹம்சோகம் மந்த்ரா தீதம் திருசியசூன் யாதிகளே தியான மாகும்; சரமென்ன சாக்ரசத்தாம் வித்தை சூன்யம் சாதனையே சமாதியெனத் தானே போகும்; வரமென்ன விபரீத விர்த்தி மார்க்கம் வாசனையே சாதனமாய் வகுத்துக் காட்டும்; அரமென்ன இதையறிந்தால் யோகி யாவான் அஞ்ஞான மவனிடத்தி லணுகா தென்னே.’== (காகபுசுண்டர் உபநிடதம் Hseija Ed Rian அக்கினி சொரூபமாக பிரம்மம் நிறைந்திருந்து விளங்கும் சின்ன வாசல் தான் பிரம்ம வாசல்...உடல் நிறைந்து விலங்கும் அக்கினியின் காரன இடம், மூச்சுக்கு மூச்சு அக்கினி ஆவியாக வெளியாக அழிந்து கொண்டிருக்கும் நிகழ்வின் துவக்கம் Hseija Ed Rian சுக்கில துளியுளே சுரோணிதத்தின் வாசலுள் முச்சதுர பெட்டுளே மூலாதார வரையுளே அச்சமற்ற சவ்வுளே அரிஅரனுமொன்றுமாய் உச்சரிக்கும் மந்திரத்தின் உண்மையையே சிவாயமே...அந்த சிவாயம் எனும் அக்கினி விளங்கும் இடம் இது தான் Hseija Ed Rian அருமை ஜீ...மனம் அண்ணக்கின் நேரே பார்க்கணும்ங்கிறது தான் முக்கியம்...அப்படி பார்க்கையிலே மனம் லயனமாகும்...லயனம் ஆரம்பிக்கும் தருவாயில் கொஞ்சம் முன்னாடி தூக்கம் வந்து கெடுத்துரும்.அதுக்குத்தான் கண் தூக்கலாக வெச்சிருக்கிறது..இது ஒரு புறம் , வேறு நுணுக்கமும் இருக்கு ஜீ

உடல் உயிரும் பூரணமும் மூன்றுமொன்று

உடல் உயிரும் பூரணமும் மூன்றுமொன்று என்னல்லாமோ செஞ்சு பாக்குறோம்..ஏதெல்லாமோ படிச்சு பாக்குறோம்..என்ன படிச்சாலும் சந்தேகம்ங்கிறது தீர்ந்தபாடில்லை. நாம இருக்குற நிலமை என்ன...எப்பை மாட்டிகிட்டு தவிக்கிறோம்...எங்க மாட்டிகிட்டு திணறுகிறொம்ம்..இப்படி அல்லோலபட்டு வாழ்க்கை பாழாக போறதுக்கு என்ன பாவம் செஞ்சோம்ங்கிறது எத்தனை காலம் யோசிச்சாலும் புத்திக்கு வராது, தீர தீர கேள்விகள் பல பதிலில்லாமல் பெருகிகிட்டே தா வரும். புத்தர் மாதிரி எங்காச்சும் போயிருந்து துக்கத்துக்கு காரணம் என்னாண்ணு ஆலோசனை பண்ணாலும் பதில் வராது.எண்ணா நாம மாட்டி கெடக்கிற விதம் அப்படி. ஒரு குண்டாக்கு நூல் கட்டை ஒழுங்கில்லாமல் சின்னி சிதறி அலங்கோலமாக்கி ஒரு குழந்தைகிட்ட குடுத்து அதை அவுத்து சீராக சுற்றி வைக்க சொன்னா நடக்கிற காரியமா என்ன ..அது போலத்தான் வாழ்க்கையும்...எந்த ஒழுங்கும் இல்லாம ஆயிரம் கோடி காலத்து கர்மங்கள் வினை தொகுப்புகள் அங்கிட்டும் இங்கிட்டுமாக கோடி முறை குதர்க்கமா குழப்படியா ஒண்ணுக்கு உள்ள ஒண்ணாக, அது மற்றொண்ணுக்கு உள்ளாக , அது எல்லாம் ஆயிர கோடி முறை கண்ணிகளால் இறுக்கபட்டு கண்ணிகள் இறுகுமே தவிர இளகாமல் அமைந்த த்ன்மையால் கடைசியில் சாவு தான் நிச்சயம்ண்ணு வந்து வாய பொளந்து கிட்டு நிக்குது. அகத்தியர் சொல்ற மாதிரி,அருமையான புரிதல் வந்தா புரியும், ”உடல் உயிரும் பூரணமும் மூன்றுமொன்று, உலகத்தில் சிறிது சனம் வெவ்வேறென்பர்” என்கிறார். உடல் எங்கிருந்து ஆரம்பம்ண்ணு கேட்டா பதில் இல்ல, உயிரின் ஆரம்பம் கேட்டாலும் பதில் இல்ல, அப்ப பூரணம் என்பது பூரணமாக கைவிட்டு போச்சு. மனிதன் பூரணமாகவே இருக்கிறான்,பூரணமே அவன் இயற்கை. இதை தான் வேத வசனமும் ‘பூர்ணமத: பூர்ணமிதம் பூர்ணாத்பூர்ணம் உதச்சதே” என சொல்லுது. அகத்தியரின் வசனத்தின் உயர்ஞானம் இதுவே. உடல் என்பது பரிபூர்ணத்துக்கு வேறல்ல. உயிர் என்பது பரிபூர்ணத்துக்கு வேறல்ல, அது போல பரிபூர்ணம் உடலுக்கும் உயிருக்கும் வேறல்ல, இவை மூன்றும் ஒன்று தான்.இவை வெவ்வேறு எனுமிடத்தில் மனம் குழப்பம் மிகுந்து புரிதல் இன்றி அலை போல திணறுகிறது. அன்பே சிவம்

மறுபதிப்பு குண்டலினீயின் ரகசியம்

 மறுபதிப்பு குண்டலினீயின் ரகசியம் - Hseija Ed Rian ========================== குண்டலிவாசி அகாரமடி மிடர்கண்டமதில் உகாரமடி உண்டுசுழியில் மகாரம் வைத்தால் சிவ சிந்தையிதல்லவோ ஞானபெண்ணே என பாடுவார்கள் சித்தர் பெருமக்கள்.பலபேருக்கு இது என்ன என்று புரிவதில்லை. குண்டலி என்பது ரெண்டு சக்திகள் சேர்ந்தது ,அகார சக்தியும் உகார சக்தியும். இப்படியான ரெண்டு சக்திகல் நேர் எதிரே எதிரே இயங்கும் இயற்கை உடையன. அதாவது ஒருசக்தியின் தலை மேல் நோக்கி பிரயானம் செய்ய,மற்றைய சக்தி நேர் எதிராக பிரயானம் செய்யும்.அதாவது ஒரு சக்தியின் தலையானது மற்றைய சக்தியின் வாலை கவ்வியபடி இருக்கும். இதை தான் குண்டலினி சக்தியாகிய பாம்பு உருவகம் தன்னுடைய தலையை தானே கவ்வி இருக்கும் என புனையப்பட்டுள்ளது.சக்தி தான் ரெண்டு எனிலும் அதற்க்கு உயிர் ஒன்றே, அதாவது, ரெண்டு சக்திகல் எதிர் எதிர் திசையில் இயங்கும் போது அச்சக்திகளின் மையம் ஒரு சுழலும் அமைப்பாக இருக்கும்.தையே சுழி எனும் உட்புகும் வாசல்.அச்சுழியின் மூலம் இச்சக்திகளின் இயக்கத்தை கட்டுப்படுத்தலாம். அகாரம் என்பது ஒரு உயிர் சக்தி, அதுபோல உகாரம் என்பதும் ஒரு உயிர் சக்தி.இப்படியான ரெண்டு உயிர்சக்திகல் ஒரு சுழியை மையமாக சுற்றுகின்றன.சீனாவின் லாவோட்சூ எனும் போகமுனிவரின் தாவோ மதத்தின் சின்னமானது இப்படி ரெண்டு சுழல் அமைப்புகள் எதிர் எதிர் திசையில் சுழலும் விதமாக சித்தரிக்கப்பட்டிருக்கும் என்பதை கவனிக்கவும். ரெண்டு சக்திகள் என கொள்ளப்படும் பாம்பானது எதிர்திசையில் சலனத்தை உடையது என பார்த்தோம் அல்லவா...,அது ஒன்று போக்கு எனவும் ஒன்று வரத்து எனவும் உருவகம். அதாவது அமிர்தவும் விஷமும் எனலாம்.இதை சரத்துக்கு உவமானமாகவும் கூறுவர்,ஆனால் சரத்திற்க்கும் குண்டலினிக்கும் வித்தியாசம் உண்டு.சாதாரன கதியில் உட்புகும் வாசியானது விஷமாகவும் வெளிப்புகும் வாசியானது அமிர்தமாகவும் பிரயானம் செய்கிறது. அதனால் ஆயுள் நஷ்ட்டம் ஏற்பட்டு மரனம் உண்டாகிறது.அதை மாற்றும் திறன் குருபிரான் அருளால் உண்டாகிறது.அதையே “ மாற்றிப்பிடிக்கும் வகை அறிவார்க்கு கூற்றை உதைக்கும் குறிப்பதுவாமே “ என மூலர் கூறுவதின் பொருள்.

குண்டலினீய தவம்

குண்டலினீய தவம் ‘கூறாத மந்திரத்தின் குறிப்பறிவித்து.... ஏறாநிலையெனை ஏற்றுவித்து....’ என ஆங்காங்கு குரு பரம்பரையினில் மட்டும் ஒதுங்கி எக்காலத்தும் தலையை வெளிக்காட்டாது, தலை ஏது வால் ஏது என புரிதலுக்கு இடம் கொடாது மறைந்து மூலகுகைக்குள் அடங்கி ஒடுங்கி தன்னிலை அற்று தனிமையே குணமாக முக்குணத்துக்கும் ஆதாரமாக எத்தேவருக்கும் தாயாக ஈனா மலடியாம் பெருஞ்சூலி திரிபுரை சின்னபெண் சித்து விளையாட காத்திருக்கின்றாள், அவள் தன்னையே பகுத்து சரிபாதி அந்த ஈசனுக்கும் கொடுத்தவள் ஆம் தயாவல்லி.அவள் சொரூபத்தை சித்தர்கள் ஞானிகள் என அறிந்தவர் யெவரும் சொல்ல கூச்சபட்டனர்,அவ்வண்ணமான சொரூபம்.அதான் அவள் மறைவாகவே உலாவுகிறாள் பெருங்கள்ளி. அவளுக்கு என மட்டும் அவள் அறிவின்றி யெவரும் அறிந்திரா மந்திரம் தான் மூல மந்திரம், எழுகோடி மந்திரங்களுக்கும் தாயான மந்திரம்.அதை சித்தர்கள் வாய் விட்டு சொல்லாமல் மறை பரிபாஷையாகவே சொல்லி சென்றிருக்கின்றனர்.மூலாக்கினி எனவும் குண்டலினீ எனவும் வாலை எனவும் சூலி எனவும் வல்லபை எனவும் வாக்மயி எனவும் தேவி எனவும் பல ரூப பல பேத பல நாமம் அனேகம் விதம்.ஆயினும் அந்த ஓரெழுத்து தான் என்னவோ அவள் ரகசிய குறி???? ’ஓரெழுத் தொருபொருள் உணரக் கூறிய சீரெழுத் தாளரைச் சிதையச் செப்பினோர் ஊரிடைச் சுணங்கனாய்ப் பிறந்தங் கோருகம் வாரிடைக் கிருமியாய் மாய்வர் மண்ணிலே’.=திருமூலர் Mathi இடம் வலம் சாதித்தால் மத்தியார் னத்திலே வாத்தியம் கேட்கலாம் னு திருமூலர் சொல்றாரு. அதான் இங்க லெப்ட் ரைட்னு மிலிட்டரி பரேடு நடக்குது. :) கொஞ்ச நேரத்துல வானத்தை நோக்கி டுமீல் னு ஒரு சத்தம் வரும். வெயிட் பண்ணி பாருங்க . சிவன் கூத்து வெளிப்படலாம் Mathi தொடர்ச்சி --- சொல்லப்படும் வாசியானது ஒவ்வொரு நா்ளைக்கும் மாறி மாறி இயங்கும் தன்மையில் இருக்கிறது.வளர்பிறை தேய்பிறை எனும் கணக்கில் மாறி இயங்கும்.ஒரு சுற்று என்பது ஒரு போக்கு= ஒரு வரத்து சேர்ந்தது.அப்படி ஏழு நாளைக்கு,வாரத்திற்க்கு மூன்றரை போக்கும் மூன்றரை வரத்தும் இருக்கும்.மூன்றரை போக்கும் மூன்றரை வரத்தும் சேர்ந்து மூன்றரை சுற்று குண்டலினீ அமைப்பு என உருவகம். இப்படியான குண்டலினியை மகாரம்மெனும் நடு மய்யத்தில் கட்டப்படும் போது அவை ஒரு நேர்கோட்டில் அமைகின்றன,அதையே சுழிமுனை நாடி என்பார்கள்.அந்த நாடியானது மூலம் முதல் உச்சிவரை ஊடுருவும் தன்மையில் இருக்கும்.சாதாரன முறையில் மூலாதாரம் என்று மலத்துவாரத்தின் மையத்தை கூறுவார்கள்,ஆனால் அப்படி அல்ல. மூலாதாரம் என்பது இப்போது கானப்படும் தூல ஆதாரமான உடம்பு. அனைத்திற்க்கு மூல ஆதாரமாகி இருப்பது இந்த தூல உடம்பே. அனுபவமானது இந்த தூல உடம்பில் இருந்து தொடங்குகிறது. இந்த உடம்பின் அ்கமையத்தையே மூல விந்து என கொள்லவேண்டும்.அந்த மூல விந்துவே மகாரம் எனும் புள்ளி.,சுழியின் நடுக்கண்ணே புள்ளியன ஒளி மையம். ஒளிமையமான மகார புள்ளியில் இருந்தே அகார உகார சக்திகள் இயங்குகின்றன.அதனாலேயே மகாரத்தை மெய் என்கின்றனர், புள்ளி வருவது மெய் எனும் ஆதாரம்.ஏனைய பனிரெண்டும் உயிர் இயக்கங்கள்.அப்படி உயிரும் மெய்யுமானது மகாரம்.மெய்யிடம் விலங்குவது விந்து எனும் புள்ளி. அப்புள்ளியானது உயிரேற்றம் பெறும் போது மறைந்து அருவமாக நிற்க்கும். எப்படியெனில் ம்+அ=ம, ‘ம்’ எனும் போது புள்ளி இருக்கும்,ஆனால் உயிரேற்றம் பெற்று விடும்போது ‘ம’ என புள்ளி இல்லாது விளங்கும்.இப்போது ‘ம’ என்பது நாதம் எனப்படுகிறது.அதாவது புள்ளி இருக்கும் போது விந்து எனவும் உயிரேற்ரம் ஆகும் போது நாதமாகவும் திகழும். இப்படி முதல் ஆதாரமான தூலத்தை விட்டு உள்முகமாக’ ம்’ எனு ஒளி நிலை பிரயானம் ஆவதையே குண்டலினி ஏறுவது என்பார்கள்.மின்சார ரெயிலில் பயணம் செய்யும் போது வேகம் அதிகமாக அதிகமாக உடலில் ஒருவித உந்து இயக்கம் அதிகரிப்பதை போல, தூல உணர்ச்சியானது சடாரென சுருங்கும். ஆனால் நாம் உனர்வோடுதான் இருப்போம். மனமானது உள்முகமாக ஆமைக்கு உள்வலிவதை போன்று உட்புகும்.இப்படியான இயக்கம் மேலும் மேலும் உள்முகமாக திரும்புவது அனுபவிகள் உணர்வார்கள்.அப்படி சாதனை செய்வதினால் மனம் உள்வயப்பட்டு ஒன்றி நிற்பதையே யோகம் என்பர்.இதுவே குண்டலினீ ரகசியம்