ஒத்த தறிவான் உயிர்வாழ்வான் மற்றையான் செத்தாருள் வைக்கப் படும்”

 "ஒத்த தறிவான் உயிர்வாழ்வான் மற்றையான் செத்தாருள் வைக்கப் படும்”

இந்த குறளை பார்த்துகிட்டு பலபேர் விளக்கம் சொல்லுவதை பார்த்திருக்கிறோம்.கண்ணுண்ணு சொல்றவன் காதுண்ணு சொல்றவன் என பலரகம்..பல மனம்...

ஆனால் விடையானது பாடலிலேயே.இருக்கின்றது என்பது சுவாரசியமான ஒன்று.

“உயிர் வாழ்வான்” என்பது பார்க்க சாதாரணமான வார்த்தையாக தோன்றும். ஆனால் வள்ளுவருக்கு தெரியாதா என்ன உயிர் என்பது வாழக்கூடியது என?. ஏன் உயிர் வாழ்வான் என சொல்லுகின்றார், உயிரில்லாமல் வாழ்வு தான் இல்லையே?. ஒத்ததறிவான் வாழ்வான் என சொன்னாலும் என்ன தவறு இருக்கின்றது,அல்லவா?.உண்மையென்னவெனில் உயிர் வாழ்வான் என்பதின் பொருள் உயிருடன் ஒடுங்கி வழ்வான்.அவ்வண்ணம் ஒடுங்கி வாழாதவன் செத்தவர்களுடன் சமமாக கருதப்படுவான் என்பதாம்.

இங்கு விஷயம் எதுவெனில்,ஒத்தது எதுவென்பதேயாம்.

இனி ஒருமுறை கூட வாசிப்போம், ”ஒத்தது உயிர் அறிவான் வாழ்வான் மற்றெல்லாம் செத்தாருள் வைக்கபடும்.”.

உடலொத்தது உயிர்-உயிரொத்தது உடல்..இவை. சேர்ந்தது வாழ்வு.

ஏன் இதை ஒத்தது என சொல்லுகின்றனர் எனில் உயிரானதும் உடலை போலவே ஆணாகவும் பெண்ணாகவும் டஇருக்கின்ர காரணததாலேயாம்..இதுவே தெள்ளத்தெளிந்தோர்க்கு ஜீவன் சிவலிங்கம் என்பது.ஆண்-பெண் உருவகமான குறியீடு மறைசுட்டு.இந்த அறிவு அற்றவன் ஒத்தது அறியாதவன்.அதனால் தான் ஜீவசமாதி மேல் சிவலிங்கம் பிரதிஷ்ட்டை செய்யப்படுகிறது.

மகா சிவராத்திரியின் மறை இரகசியம்

 மகா சிவராத்திரியின் மறை இரகசியம்

===============================

சாத்திரங்கள் சம்பிரதாயங்களும் தந்திரங்களும் யோகங்களும் இந்த ஐக்கிய சொரூபத்தினை பலவாறாக விளக்குகின்றன. 

ஆயினும் முக்கியமாக சொல்லபடுவது சிவ சக்தி இணைதல் என்பதே என்பது கவனிக்கிறோம். 

ஆயினும் சிவராத்திரி என்பதின் மறை ரகசியம் அறியபடவேண்டியதே தாம்.  சற்று நின்று உற்று கவனிக்கில் ஒரு சங்கதி புலப்படும்.

சக்தி யோனி எனும் ஆவிடையில் அமைந்திருக்கும் சிவ லிங்க அடையாளத்தின் தன்மை ஆகும். 

யோனியில் இருந்து லிங்கம் பிறக்கும் தன்மையிலே தான் நாம் காண்கிறோம். லிங்கமானது யோனியில் உட்செல்லும் அமைப்பில் இல்லை.

யோனியில் உட் செல்வது போகம். ஆனால் இங்கே நாம் காண்பதோ லிங்கமானது உட்செல்லாமல் வெளி வரும் அமைப்பே தான். லிங்கத்தின் தலை பகுதி அதாவது மொட்டானது பூவினில் பொருந்த பெறவில்லை. யோனியில் உள் பொருந்த அமைக்க பெறவில்லை.

பூவினில் இருந்து மொட்டு மலர்ந்த ரகசியந்தனை கண்டவர் எவரோ அவர் எனக்கும் குருவே. 

சிவராத்திரியின் ரகசியம். மெய்பொருள் என அறிவாயாக.

இது மெய்பொருள் ரகசியம் ஐயா..

உலக பொது ரகசியம். எல்லோரிடமும் அமைந்திருக்கும் மெய்பொருள் விஞ்ஞானம்.

நன்றி 

நாதம் உண்டான பிறகே மனிதப்பிறவியில் ஆண் பெண் என்ற வித்தியாசம்

 நாதம் உண்டான பிறகே மனிதப்பிறவியில் ஆண் பெண் என்ற வித்தியாசம் ஏற்படுகிறது. அது வரையில் ஒரே தன்மை தான். ஆண் பெண் என்ற வேற்றுமை இல்லாமல் ஒன்றாகவே விளையாடுவார்கள்.

பெண் பருவமடைந்ததும் அவளது தேகத்தில் பல மாற்றங்கள் காணப்படுகின்றன . குணத்திலும் அப்படியே.

ஆணுக்கு பதினாறு வயது எட்டினதும் அவனது தேகத்தில் சுக்கிலம் உற்பத்தியாகி, பாலனின் தொனி மாறி, கம்பீரமான ஆண்மைகுரல் எழும்புகிறது. ஆக நாதம் தான் ஆண். இந்த நாதமில்லையேல் ஞானமில்லை. னாதமே ஞானத்துக்கு மூலம்.

நாதன் உன்னை தொட வேண்டுமென்றால் உன்னிடத்தில் நாதம் இருக்கவேண்டும். அப்போது தான் உனது நாதத்தை எழுப்பமுடியும். ஆதலால் தான் இளமை ததும்பும் போதே ஞானத்தை அடைய வேண்டுமென்கிறோம்.

ஆதலால் தாம் *'இளமையில் கல்'* என்று எழுதி வைத்தார்கள். இளமையில் நாதம் னிரம்பி வழியும். ஞானத்தை எளிதாக பற்றும்.

நானே நானில்லையே

 💢💢 நானே நானில்லையே 💢💢

என்றோ அழிய போகும் உடலையே நான் நான் என சொல்லிட்டு இருக்கும் மனதிற்கு எப்போது தற்போதம் அற்று, மெய்யாக இருக்கும் ஜீவனை அறிய முடியும்? 

நான் இல்லை என்று சொல்லிக்கொண்டே நான் என்ற தன்முனைப்புடன், வீண் அகங்காரம் கொண்டு கர்மவினை செய்கிறது.

கடவுளுக்கு பூஜை நமஸ்காரம் செய்வதாலோ, வெள்ளை அல்லது காவி உடை அணிந்து, நெற்றியில் பெரிய பட்டையிட்டு, ருத்ராட்சம் அணிவதாலோ, தினமும் சாதனை செய்கிறேன் என்று மனதை அங்குமிங்கும் அலைபாய விட்டுட்டு இருந்தாலோ, குருவே சரணம் என காலடியில் விழுந்து கிடந்தாலோ, ஒன்றும் நடவாது. கர்மச்சக்கரத்தில் இருந்து தப்பிக்கவே முடியாது. 

விண்ணில் இருந்து வந்த மெய்பொருள் அறியாத வரை, திரும்ப திரும்ப தாயின் வழியாக மண்ணில் பிறந்துக் கொண்டே தான் இருக்க போறோம்.

இயற்கை உண்மையாக, ஆதி அனாதியாக இருக்கும் மெய்யை உணர, மனம் எனும் ஆற்றை அறிவு எனும் தோணி கொண்டு கடப்பது சிறந்தது. அதாவது, மனதை அடக்கவோ, கட்டுப்படுத்தவோ முற்படாமல், மனதிற்கு அறிவு ஊட்ட ஊட்ட, மனமே மனதை செம்மை படுத்திக்கொள்ளும். அறிவு வர, நான் நான் என சொல்லும் மனம் அதிலிருந்து விடுபட்டு, ஜீவனை நோக்கி பிரயாணம் செய்யும்.

மனிதனுக்கு மட்டுமே தன்னை அறிந்துக்கொள்ளும் சிறப்பு உண்டு. ஆகையால் இந்த மனித பிறப்பை சரியாக உபயோகப் படுத்தி, தன்னை அறிந்து, நான் என்ற அகங்காரத்தினால் அழிந்து போகாமல், விண்ணிலிருந்து வந்தவனை பற்றிக் கொண்டால், மண்ணில் மறுபிறவியில் இருந்து விடுபடலாம்.

💥💥 மெய்ஞானம் ஓங்கி வாழ்க வளமுடன் 💥💥

அகாரம் எனும் அட்சரம் இருப்பு

 அகாரம் எனும் அட்சரம் இருப்பு சுவாதிஷ்ட்டானம்.. அகாரமாய் மலர்வதற்க்கு முந்திய இருப்பு மூலாதாரம்... அதையே உணரா நிலை என்பார்கள்.. அதாவது அகார சக்தி தூங்கும் நிலை... அகாரத்தில் இருந்து உகாரம் பிறக்கிறது... இது இரண்டின் மத்தியே ரீங்காரமான குண்டலினி... ரகாரம் என்பது சுழிமுனை... இகாரம் தான் மேலேறும் குண்டலினி.

ஏழாம் வாசலின்

 ”ஏழாம் வாசலின் கீழாய்ந்து வந்தெதிர்த்த தலத்திற்க்கு மேலே தசை மூளை எலும்பிற்க்கு நடுவே நெற்றி முகமூக்கிடையில் முண்டகபார்வையில் நாளாம் பதினாலில் உலாவி நின்ற நாயகனே நானுன்னோடிரந்து கேட்ப்பேன் கேளா செவிக்கு மீளாநெருப்பாய் கிருபை விளைத்தெனக்கு உதவி செய்வாய் பாழாம் குபிரென்னை அணுகாமலே படைத்தோனே உன்றன் அடைக்கலமே

 == பீருமுஹம்மது ஒலியுல்லாஹ்

இறைவனுக்கு பிறந்தநாள். ===

 === இறைவனுக்கு பிறந்தநாள். ===

மக்கள் எல்லோரும் அந்த ஊரில் மகிழ்ச்சியாக இருந்தார்கள் . 

அவருக்கு பிறந்தநாள் விழா கொண்டாட வேண்டும் என்று முடிவு செய்தார்கள் . அதற்காக ஒரு பெரிய ஆன்மிக ஊர்வலம் ஒன்றை ஏற்பாடு செய்தார்கள் . 

அதில் கலந்து கொள்ள  மதத்தலைவர்கள், ஆன்மிகவாதிகள், மடத்தலைவர்கள்  சொற்பொழிவாளர்களை கலந்து கொள்ள ஏற்பாடு செய்தார்கள் . 

விழா நாள் அன்று பெரிய ஊர்வலம் நடந்தது அதில் மக்கள் கூட்டம் கூட்டமாக அவரவர் மதத்தலைவர்கள் ஆன்மிகவாதிகளின் மடாதிபதிகள் பின்னே பாடிக் கொண்டும் ஆடிக் கொண்டும் சென்றார்கள் .

ஒரு துறவி அந்த ஊரின் வழியாக செல்லும்போது அந்த ஊர்வலத்தைக் கண்டார் . அவருக்கு இதைப்பற்றி ஒன்றும் தெரியவில்லை ..

ஊர்வலத்தின் ஓரமாக நின்று அதை வேடிக்கை பார்த்துக் கொண்டிருந்தார். பக்கத்தில் நின்ற ஒருவரிடம் இது என்ன ஊர்வலம் எதற்காக என்று கேட்டார்.

உங்களுக்கு தெரியாதா இன்று இறைவனுக்கு பிறந்த நாள் . அதற்காகத்தான் இந்த ஊர்வலத்தை மக்கள் நடத்திக் கொண்டிருக்கின்றார்கள் என்றார் .

அப்போது ஊர்வலத்தில் ஒரு யானையில் ஒருவர் அமர்ந்து இருந்தார். அவரை பின்பற்றி மக்கள் கூட்டமாக சென்றனர் .

அந்த துறவி பக்கத்தில் நின்றவரிடம் யார் இவர் என்றார் . அதற்கு அவர் இவரைத் தெரியாதா. இவர் ஒரு பெரிய மதத்தின் தலைவர். அவருக்கு பின்னே செல்லும் மக்கள் அவரை பின்பற்றி நடப்பவர்கள் என்றார்.

அடுத்து ஒரு குதிரையில் ஒருவர் அமர்ந்திருக்க அவரைப்பின்பற்றி மக்கள் கூட்டமாக ஆடிக்கொண்டும் பாடிக்கொண்டும் சென்றார்கள் .

துறவி இவரைப்பற்றிக் கேட்க இவர்தான் ஒரு மடத்தின் மடாதிபதி . அவரை பின்பற்றி செல்பவர்கள் எல்லாம் அவருடைய சீடர்கள் என்றார் .

அடுத்து ஒரு பெரிய தேர் போன்ற வாகனத்தில் ஒருவர் அமர்ந்திருக்க அவரைத்தொடர்ந்து மக்கள் பாடல்களை பாடிய வண்ணம் சென்று கொண்டிருந்தனர் ..

இவர் ஒரு பெரிய ஆன்மிகவாதி பேச்சாளர். அவரின் பேச்சில் மயங்கி அவரை பின் தொடர்பவர்கள்தான் இந்த மக்கள் என்று துறவியிடம் கூறினார் .

இப்படி கூட்டமாக குழுவாக மதத்தலைவர்கள் ஆன்மிகவாதிகள் மடத்தலைவர்கள் அவர்களது சீடர்கள் அவரை பின்பற்றுபவர்கள் என்று ஊர்வலம் போய்க்கொண்டிருந்தது .

ஊர்வலத்தின் இறுதியில் ஒருவர் மட்டும் தனியாக நடந்து சென்றார் .

அவர் பின்னால் யாரும் செல்லவில்லை ..

அவரைப்பார்த்து துறவி இதோ தனியாக ஒருவர் நடந்து செல்கின்றாரே யார் இவர் என்று கேட்டார் .

அவரைத் தெரியாதா?!  அவர்தான் இறைவன். இவருக்குத்தான் இன்று பிறந்தநாள் விழா. அதைக் கொண்டாடுவதற்குத்தான் மக்கள் அவரவர் மதத்தலைவர்கள் கூட முன்னே சென்று கொண்டிருக்கின்றனர் என்றார் பக்கத்தில் நின்றவர் ..

ஒக்கச் சொன்ன அலிபு நடு

 ”ஒக்கச் சொன்ன அலிபு நடு முச்சுடரெண்டெழுத்தும் ஒன்றுபட்டு வரும் விதத்தை உவந்து இங்ஙனம் சொல்வேன்”...   இது தான் மறையான மறையான அறுநான்கில் ஓரெழுத்து.

பழுதனுகாதுய்ய பொருள் பரமனைத்தும் பாய்ந்து பாங்குபெறும் ஹூவுடைய பேருமது தானே இந்த இறை நாமம் இரண்டு லாம் ஒரு அலிபு இருலாமும் நடுமூலத்திரு புறமும் நிற்க்கும்

                              ~ (#பீருமுஹ்ம்மது #ஒலியுல்லாஹ்)

இரண்டு லாம் ஒரு அலிபு சேர்ந்து வரும் முறை அது.

ஒரு அலிபு, அதன் இரு புறமும் இரு லாம் சேர்ந்து வரும் அமைப்பு...

 சதா நம்மோடு இயங்கி நிற்க்கும் உயிர்நிலை, ஆனால் நம் அறிவுக்கு வராமல் இருக்கின்றது. ரொம்ப பக்கத்துல தான் இருக்கு ஆனால் கோடி சென்மம் பிறந்தாலும் ஒருவர் காட்டிகொடுக்காமல் அறிவுக்கு வராது என்பது தான் உண்மை

"மூச்சினோடியங்கி நிற்கும் முடிவிலா பொருளை நோக்கி....” என்ற நான்கு வரிகள். இது தெளிவான விஷயம். மூச்சுக்கும் பேச்சுக்கும் ஆதாரமாக நிற்க்கும் உயிர்நிலை தான் அது.

மண்ணும் நீரும்

 இந்த உலகத்தின் மண்ணும் நீரும் மனதை நிர்ணயிக்கின்றது, மண்ணின் வளம் மனதின் குணம், அரிசி சாப்பிடுகின்றவன் மனம் ஒண்ணு, கோதுமை சாப்ப்டிடுகின்றவன் குணம் ஒன்று, கஞ்சா சாப்பிடுகிறவன் மனம் ஒண்ணு, கரும்பு சாப்பிடுகிறவன் மனம் ஒண்ணு, எது ரத்தத்தில் கலந்திருக்கின்றதோ அந்த குணம் மனதுக்கு பலமாக அமையும். விஷமான பொருட்களை சாப்பிட்டால் ரத்தம் விஷமாகும், மனமும் அதை பிரதிபலிக்கும். ஒரு நாள் இரவோடு இந்த மண்ணின் தனிமங்கள் மாறிவிட்டால் அனைவரின் ரத்தமும் மாறிவிடும், மனமும் மற்றொரு கோணத்தில் பிரதிபலிக்கும். அல்லது நீ மற்றொரு உலகத்து தனிமங்களினூடு தாவர மாமிச உனவுகளை உண்ண ஆரம்பித்துவிட்டால் உன் மனமும் அவ்வண்ணமாக மலரும், தோற்றமும் அவ்வண்னமாக தோற்றமாகும், பரினமிக்கும்.

மனம் உணவினாலும் நீரினாலும் நிலை கொள்கின்றது, உணவும் நீரும் அற்றால் மனம் அற்றுவிடும், கண் காணாது பஞ்சடையும், காது கேட்க்காமல் அடைந்துவிடும், மண்ணின் மணமானது இல்லையெனில் நீ சுவாசிக்கும் காற்று கூட உன்னால் சுவாசிக்கமுடியாது, காற்றினில் கலந்திருக்கும் மூலக்கூறுகள் எல்லாம் மண்ணின் தன்மை ஒத்ததே, ஆகாயத்தில் மண்ணின் காந்தசக்தி வியாபித்திருக்கும் அளவுக்குள் இந்த மண்ணின் மூலக்கூறுகள் நிறைந்திருக்கும். இந்த மண்ணே உன் மனம்.

 மண்ணிலிருந்து பிறந்த நீ மண்ணுக்கே மண்ணாக போவாய்.. மனம் மண்ணின் மணம் அல்லாது வேறல்ல, தாவரங்கள் மண்ணின் தன்மையை உறிஞ்சி பூத்து குலுங்குவதை போன்றே மனமும் பூத்து குலுங்கினிற்கின்றது. மனிதனும் ஒரு கொடிவகையே தான்.

முப்பொருள் விளக்கம் எனும் சாகாகல்வி ====

 ==== முப்பொருள் விளக்கம் எனும் சாகாகல்வி  ====

1) "சாகாத்தலை": யென்பது ருத்திரபாகம், ருத்திரதத்துவம், வித்யாகலை, வஸ்து, அருளானந்தம், காரணாக்கினி, சிவாக்கினி.

2) "வேகாக்கால்": வேகாக்காலென்பது மகேசுவரபாகம், மகேசுவரதத்துவம், சாந்திகலை. ஆன்மா, அன்பு, காரணவாயு. 

3)"போகாப்புனல்": போகாப்புனலென்பது சதாசிவபாகம், சதாசிவதத்துவம், பிரதிஷ்டாகலை, ஜீவன், இரக்கம், காரணோதகம். 

இதன் பொருள் விளக்கம் வருமாறு:

  ===== அடி, நடு, முடியென மூன்றுபாகம்... அதில் முதல் பாகம் ருத்திர பாகம், அடுத்து மகேசுவர பாகம், அதையடுத்து சதாசிவ பாகம்

 ===== ருத்திர தத்துவம் அதன் மேல் மகேசுவர தத்துவம் அதன் மேல் சதாசிவ தத்துவம் என மூன்று தத்துவம்

 ===== ருத்திர தத்துவம் என்பது வித்தியா கலை, மகேசுவர தத்துவம் என்பது சாந்திகலை, சதாசிவ தத்துவம் என்பது பிரதிஷ்ட்டா கலை எனப்படும்.

 ====== வித்தியா கலை என்பதுவே வஸ்து (பொருள்-மெய்பொருள்) எனப்படும்...சாந்திகலை என்பதுவே ஆன்மா எனப்படும், பிரதிஷ்ட்டா கலை என்பதுவே ஜீவன் எனப்படும்

===== மெய்பொருளினால் வெளிப்படுவது அருளானந்தம், அதுபோல ஆன்மாவினால் வெளிப்படுவது அன்பு, மற்றும் ஜீவனால் வெளிப்படுவது இரக்கம் 

===== சாகத்தலை என்பது காரண அக்கினியில் அடங்கியுள்ளது... அதுபோல வேகாக்கால் என்பது காரணவாயுவில் அடங்கியுள்ளது... மற்றும் போகாபுனல் என்பது காரணதேகத்தில் அடங்கியுள்ளது. 

====== ஆகையினால் காரண அக்கினி, காரணவாயு, காரன தேகம் இவை மூன்றையும் தக்க குருவின் கிருபையால் அறிந்து அடைந்து கொள்ளுதலே சன்மார்க்கத்தின் முதல் படியாகிய சகா கலை எனப்படும் சாகா கல்வி.