நினைவெதுவோ அதுதானே சீவனாகும்

 அத்வைத வேதாந்த சாத்திரங்களான

கைவல்ய நவநீதம், ஞான வாசிட்டம் போன்று மெய்ஞ்ஞான தேட்டத்தில் உள்ளோர் அவசியம் படிக்க வேண்டிய நூல் ரிபு கீதையாகும்.

நான்கு வேதங்களின் ( உபநிடதங்கள்) சாரமான நான்கு மகா வாக்கியங்களின் விளக்கமே ரிபு கீதையாகும்.

இதிலிருந்து இரண்டு பாடல்கள் :

" நினைவெதுவோ அதுதானே சீவனாகும்

நினைவெதுவே அதுதானே ஈசனாகும்

நினைவெதுவோ அதுதானே சகமுமாகும் 

நினைவெதுவோ அதுதானே மனமுமாகும்

நினைவெதுவோ அதுதானே காமமாகும்

நினைவெதுவோ அதுதானே கருமமாகும்

நினைவெதுவோ அதுதானே துக்கமாகும் 

நினைவெதுவோ அதுதானே அனைத்துமாமே."

ஃ

நினைவின்றி நிற்பதுவே அகண்ட மாகும்

நினைவின்றி நிற்பதுவே நிட்டையாகும்

நினைவின்றி நிற்பதுவே ஞானமாகும்

நினைவின்றி நிற்பதுவே மோட்சமாகும்

நினைவின்றி நிற்பதுவே சகசமாகும் 

நினைவின்றி நிற்பதுவே பிரமமாகும்

நினைவின்றி நிற்பதுவே சிவமுமாகும்

நினைவணுவு மில்லையெலாம்பிரமந் தானே!"

நம் நினைவுதான் சீவனாகும் .

நினைவற்ற பரிசுத்த நிலைதான் சிவமாகும் .

அருமையான உபதேச மொழி.